Segurantza Soziala zure mutua izan daiteke

Lan-istripuen kudeaketak ez du zertan mutuen esku egon behar. Entitateek aukera dute kudeaketa Gizarte Segurantzaren eskuetan uzteko, osasun-eredu publiko baten aldeko apustua eginez, eta horren bidez, onura ekonomikoa bilatu beharrean, langileen osasuna eta eskubideak erdian jar daitezen.

Iaz, gure erakundeetako batek, Emausko Trapuketariek, prozesu parte-hartzaile eta euren kideen arteko erreferendum baten ondoren, Gizarte Segurantzara aldatzea erabaki zuen. Saio honetan, Iker Larrañetak, bere entitatearen esperientziatik, zergatik hartu zuten erabakia, zein izan zen prozesua eta zein zailtasun aurkitu dituzten azalduko digu.

Aldaketa egin eta urte eta erdira, egunerokotasuna nolakoa izan den eta urratsa eman nahi duten beste erakunde batzuei zein ikaspenak baliagarri izan zitezkeen kontatuko dizkigu.

Saioa galdera-txanda batekin amaituko da. Formatu hibridoa: aurrez aurre Berriozarko Trapuketarien azokan, online konektatzeko aukerarekin.