Nafarroako Gizarte Entitateen Plataformak elkarretaratzea deitu du Pobrezia Desagerrarazteko Nazioarteko Egunean, 18:00etan, Iruñeko Udaletxe plazan.
Urriaren 17an Pobrezia Desagerrarazteko Nazioarteko Eguna ospatzen da, eta, ohi bezala, Gizarte Erakundeen Plataformak data hori baliatzen du gizarte-gaitz horren aurka indarrak batzearen garrantzia mahai gainean jartzeko. Datuak argigarriak dira: munduko populazioaren % 1 aberatsenak populazio osoaren %95ak baino aberastasun gehiago ditu, eta 713 milioi pertsona muturreko pobrezian daude. Nafarroan, berriz, biztanleen %17,2 pobrezia-arriskuan eta/edo gizarte-bazterketako arriskuan bizi dira.
Zifra horiei gehitu behar zaizkie pertsona horiek egunero aurre egin behar dieten aporofobia eta gizarte-sektore ahulenei zuzendutako gorroto-diskurtsoen hazkundea.
Aurtengo mobilizazioaren leloa “Pobreziaren aurrean bat eginda, gorrotoaren aurka tinko” izango da, eta deialdiaren oihartzuna zabaltzen saiatu dira manifestu bat eginez eta hainbat eragile sozial eta sindikalekin harremanetan jarrita.
18:00etan Udaletxe plazan egingo den kontzentrazioaren aurretik ekitaldi instituzional bat egingo da goizean Foru Parlamentuan. Hain zuzen ere, erakundeetara eta indar politikoetara zuzentzen dute beren mezua GEPetik, pobrezia helburu nagusi duten politika publikoak eskatuz eta horiek desagerraraztea gainerako arloen ondorio soilik ez izatea eskatuz. Horretarako, Nafarroako Parlamentuak 2021ean sinatutako Pobreziaren eta Desberdintasunaren aurkako Ituna garatzea eskatzen da.